A itiiti mai e 8 masina o fia vaai Niu Sila i maliega na faia a le Atu Kuki ma Saina lea ua māfua ai sina eseesega i le va o atunuu e lua.
Fai mai le RNZ o faamaumauga ua faamatuu ane i lalo o le Official Information Act ua faailoa ai nisi faamatalaga e faatatau i lea matāupu.
Ua ta’ua o lalo o le maliega o loo finau ai Niu Sila sa tatau ona faailoa atu e le Atu Kuki maliega ua faia ma Saina peita’i e ese foi se finagalo sa faaalia iai o le ta’ita’i o le Atu Kuki o Mark Brown.
O faamaumauga la ua faamatuu faalaua’itele ane i le matāupu lea ua ta’ua ai le lu’iina e Winston Peters o Brown ina ia faia se referendum e fesiligia ai finagalo o tagata pe manana’o pea e tumau i le sootaga ma Niu Sila pe leai.
Ua faitioina e Brown Niu Sila i le matāupu lea ma faailoa ai e lē o faailoaina atu foi e Niu Sila a latou matāupu tau le va i fafo i le Atu Kuki ae o le manatu tele sa afua ai le sainiga o maliega ma Saina ona o le tulaga tau tupe ma mana’oga fia faalautele o le Atu Kuki.
Puna o Faamatalaga: https://www.rnz.co.nz/international/pacific-news/571752/new-zealand-pressed-cook-islands-for-months-over-china-deals-oia-documents-reveal
