O le i’uga o se palota faata’ita’i sa faia e le NZ Taxpayers Union ua iloa ai e toeitiiti o le ‘afa o tagata Niu Sila na tali atu i le su’esu’ega, e lē manana’o e otomeki le maua o sitiseni Niu Sila o tagata mai le Atu Kuki.
Faailoa e se sui mai le vaega na tuufaatasia le palota faata’ita’i, sa talafeagai le faiga o le fesili sa tuuina i lea palota faata’ita’i.
E eseese finagalo faaalia o le atunuu i le matāupu lea i le va o Niu Sila ma le Atu Kuki ma le maliega na sainia a le Atu Kuki ma Saina ae le’i logoina e le Atu Kuki Niu Sila e pei ona iai le tatou lipoti i le vaiaso talu ai.
Fai mai o le 1965 na amata ai le sootaga i le va o Niu Sila ma le Atu Kuki ae o lea ua taofia le lata i le $20 miliona o le fesoasoani masani a Niu Sila mo le Atu Kuki talu ai le matāupu e pei ona ta’ua.
I le palota faata’ita’i la e pei ona faalauiloa ua atagia ai finagalo o nisi na tali i le su’esu’ega e faatatau i le otomeki ona maua o sitiseni Niu Sila o tagata o le Atu Kuki, fai mai le RNZ e silia ma le 100 afe tagata Atu Kuki e aumau i Niu Sila o loo fai o latou sao i le tamaoaiga, aganuu ma komiuniti ma e silasila lava ia tagata ia Niu Sila o se paaga ma se aiga foi.
Puna o Faamatalaga: https://www.rnz.co.nz/international/pacific-news/565095/nz-taxpayers-union-curia-poll-reveals-nearly-half-of-kiwis-oppose-automatic-citizenship-for-cook-islands
