O loo taofia i se falema’i i Kalaiesetete se tamaitiiti a’oga ua aafia i le meningococcal meningitis i le mae’a ona auai atu i se taamilosaga lakapi i Dunedin.
I se tusi sa tuuina i mātua o le a’oga lea sa faailoa ai e le Pule a’oga ua toe faasolo manuia le tamaitiiti talu ona taofia i le Aso Lua o le vaiaso nei ma ua mae’a logoina i latou sa tuufaatasia le taamilosaga lakapi.
Ua faailoa foi e le soifua mālōlōina lautele fautuaga tau le soifua mālōlōina i mātua ma fautuaina le faainu o le fualaau tui e fesoasoani i le tapēina o lea infection.
Fai mai e itiiti se avanoa e ono aafia ai se tamaitiiti mai le a’oga lava lea e tasi a Shirley Boys High School i lea faama’i ona talu mai le aso 22 o Aokuso e le’i toe oo lē na aafia i le a’oga.
E ui i lea, o loo fautuaina pea ia mata’itū ma mataala foi i lea gasegase ona e fai foi si ogaoga.
Puna o Faamatalaga: https://www.rnz.co.nz/news/national/572050/meningitis-case-recorded-at-dunedin-school-rugby-tournament
