Ua valaaulia mai e le Peresetene o Farani, Emmanuel Macron sui o Niu Kaletonia mo ni talanoaga e faia i Pale i Farani.
O talanoaga e faatatau i upufai ma le polokiki i le teritori lea o Farani, o Niu Kaletonia.
E lē faigofie le matāupu a le atunuu lea ona e to’atele e manana’o e faatumau pea le sootaga o Niu Kaletonia ma le pule faamalumalu a Farani peita’i o isi o loo finau ia tuto’atasi loa Niu Kaletonia ia.
Sa iai faatalanoaga na faia mai lava i le tausaga na te’a nei ma se tasi o minisita a Farani mo matāupu tau le va i fafo o Manuel Valls, ae le’i iloga lava ona taunuu i se tasi ona e fai si tele o matāupu o loo aofia ai i lalo o nisi o maliega sa faatalanoa ma tagata lautele.
Lea la ua sau ai le valaaulia mai le Peresetene o Macron ia faia le fonotaga lea i Paris ma e lē afaina le faaumiumi o ia talanoaga se’ia oo ina taunuu i se maliega e talia lelei e tagata uma.
Puna o Faamatalaga: https://www.rnz.co.nz/international/pacific-news/565119/macron-invites-all-new-caledonia-stakeholders-for-paris-talks
