O le 2.5 tane o fualaau faasāina o le cocaine na maua i gataifale o Niu Kaletonia i le vaiaso talu ai na faia iai le su’esu’ega a le vaega o le Navy a Farani lea e faamautū i Noumea ma maua ai i luga o le vaa SM Dante na aga’i mai Peru ia Me ma sa faamoemoe mo Ausetalia.
Fai mai le RNZ o fualaau faasāina na teuina mai i ni tagata pe ā ma le 50 ma e manatu le ‘ausu’esu’e e foliga na saunia mai lea uta tele e tusa i tama’i vaa o loo i gataifale o Ausetalia ma ua mae’a ona fuafuaina.
O luga o lea vaa sa maua iai le ‘auvaa e to’afitu mai Portugal ma Ecuador lea ua taofia nei i Niu Kaletonia mo su’esu’ega.
Ua faailoa pe ā ma le to’a 10 tagata ua mae’a pu’eina ma e tutula’i i le faamasinoga i le aso 22 o le masina nei.
O le masina na faato’ā mae’a nei o Iuni na tuu atu ai se lipoti i le minisita lagolago o leoleo a Niu Sila ua tuu atu ai se lapata’iga, o le Pasefika ua aga’i atu nei iai nisi o taumafaiga faavaomalo e aofia ai fualaau faasāina ma ua faaaogā ogasami e faaui mai ai le sapalai o ia fualaau faasāina.
Puna o Faamatalaga: https://www.rnz.co.nz/international/pacific-news/565695/record-2-point-5-tonnes-of-cocaine-seized-off-new-caledonia-on-panama-flagged-vessel-bound-for-australia
