O sui a faipule o Niu Kaletonia sa tuuina le latou ioega i se maliega ua faia ma Farani i le aso 12 o le masina nei, o le a ofoina iai se puipuiga faapitoa a leoleo ina ua faia iai e nisi ni faamata’u e pei ona lipotia e le RNZ.
Fai mai o le a maua lea puipuiga mo i latou ia ma e aofia ai le toeitiiti 20 o sui o vaega faaupufai o loo lagolago ia Farani aemaise i latou o loo finau mo le tuto’atasi ma ua iai faatasi i se maliega ma lea atunuu.
Ta’ua i le lipoti, o le maliega ua faamauina ua faatulaga ai se ālafua mo masina o loo lumana’i e faaliliu ai Niu Kaletonia e avea ma setete ae e iai lava i totonu o le li’o o Farani.
Ae ina ia ausia se maliega mautū e tatau lava ona malilie uma itu ma e eseese fetuuna’iga ua faatulaga i lalo o lea maliega.
Puna o Faamatalaga: https://www.rnz.co.nz/international/pacific-news/567134/new-caledonia-s-politicians-to-get-police-protection-following-death-threats
