E fai si malosi o le tulaga tau le puipuiga ua iai nei i Niu Kaletonia a o tulalata atu i le faailogaina o se tasi o aso faatulagaina a le atunuu i le vaiaso nei.
Lipotia e le RNZ o le Hai Komesina o Falani o Jacques Billant na ia faailoa o le tulaga tau le puipuiga e aofia ai le iai o i latou e faamalosia le tulafono i vaega uma o Niu Kaletonia.
O le aso 24 o Setema lea e faailoga ai le aso na pulea ai e Farani Niu Kaletonia i le tausaga 1853 ma ua faaigoaina lea aso o le Citizenship Day e ui o loo faaigoa e isi e tetee iai le Indigenous Pro Independent Movement, o se aso o le auē.
O le amataga o le tausaga na tupu ai vevesi i Niu Kaletonia ona o le matāupu lava e faatatau i le pulega o le atunuu ma sa manunu’a ai le silia ma le 100 o leoleo ma ua faailoa mai la i le vaiaso nei ua faasā ai le toe taumafaina o le ‘avamalosi i le aso o le Citizenship Day ma e matua’i lē faatagaina ni vevesi.
O le tausaga talu ai na vevesi ai le atunuu ma maliliu ai tagata e to’a 14 ma le silia i le 2 piliona o le tau o mea faaleagaina.
Puna o Faamatalaga: https://www.rnz.co.nz/international/pacific-news/573729/new-caledonia-under-tight-security-ahead-of-citizenship-day
