O le Palemia o Nepal o KP Sharma Oli ua faamavae mai lona tofiga i le ogatotonu o le mau vevesi ua tula’i mai i le atunuu.
Ua faailoa e le BBC le faatupula’ia o le feita o tagata ona o le maliliu o le ‘autetee sa faaleo lagona e tetee atu i faiga lē sa’o i le atunuu, le ‘autetee ia sa faataututū ma leoleo i le amataga o le vaiaso.
O loo faailoa e le BBC na susunu e tagata le fale o le Palemene o lea atunuu i le laumua o Kathmandu ma osofa’ia foi fale o le malo ma fale o nisi o ta’ita’i o le atunuu.
E to’atolu isi tagata ua faamauina le maliliu i le aso ananafi ae 900 pagota na sosola ese mai falepuipui e lua i le itu i Sisifo o Nepal.
O solo tetee na māfua ona o le faasāina o le faaaogāina o le social media lea na vaaia le to’atele o tagata sa faailoa ai le lē fiafia.
O se faaaliga mai le ta’ita’i’au o le ami a le atunuu ua ta’ua ai afai ae faaauau pea solo tetee ma le faaleagaina o mea e le ‘autetee ua vaavaai loa i le faaaofia ane o le ami a le atunuu e faatonutonu ai lea tulaga.
O lea la ua laa ese le Palemia mai lona tofiga ae lē mailoa poo ai o le a ta’ita’ia le atunuu mo le taimi nei.
Puna o Faamatalaga: https://www.bbc.com/news/articles/c0m4vjwrdwgo
