Ua fana i lalo e vaaleletau a le NATO le tele o drones a Lusia na solia le airspace a Polani, a o faia se osofa’iga a Lusia ia Ukraine.
O le osofa’iga poo le gaioiga lea a le NATO ua faamauina ai, o le ulua’i taimi lea ua tali atu ai le NATO i le taua lea talu lava ona amata mai.
Fai mai o vaalele a Polani ma le Dutch sa faalavelavegiaina drones a Lusia ae fesoasoani ane iai Italia, Siamani ma isi vaega’au faavaomalo a le NATO.
I se saunoaga la a le Palemia o Polani na faia, Donald Tusk na ta’ua ai e ui e lē o iai se mafua’aga e faia ai se faamatalaga o loo iai Polani i se tulaga ua aofia ai i se taua peita’i ua lalata lava le atunuu i se tulaga faapea talu mai le Taua Lona Lua a le Lalolagi, ae ua feagai lava le atunuu ma lona fili e lē mafai ona nanāina ana fuafuaga.
O le lipoti lata mai o le matāupu lea ua ta’ua ai o loo faia nei feutana’iga a sui o le NATO poo le ā le isi laasaga ua tatau ona fai.
Puna o Faamatalaga: https://edition.cnn.com/2025/09/09/europe/poland-scramble-jets-russian-drone-reports-intl-hnk-ml
