E silia ma le 100 aiga i le faaitu Bay of Plenty ua motusia le eletise ona o le loulouā tele o le tau.
Faamauina i lipoti mai le PowerCo e tusa ai ma lo latou faafanua o le faaitu o loo aafia na faaalia ai, e oo atu i le 170 maota ua aafia nei.
Faamauina foi le to’atele o nai aiga na aga’i atu iai le vaega o fesoasoani muamua poo le emergency services e tali atu i tulaga pagatia na iai i latou ona o lōlōga.
Ua tele itu o Aukilani ma Northland ua toe maua atu ai le eletise ina ua mafai ona faatino iai galuega a le ofisa ma le tele o fesoasoani i le taeao analeila.
Fautuaina e se alii saienitnisi o loo mata’itūina foliga vaaia o le tau, ia Chris Brandolino le moomia ai i tagata le faamuamua ai o latou saogalemu aemaise lava taimi o le emo ai o uila ma le papa o faititili.
Na ia fautuaina ai le lautele e tatau ona mālōlō lelei tagata i totonu o maota ma laoa i taimi e emo ai uila ma papa faititili nai lo o le tupu mai o loo i fafo ma le fale.
Ma aua foi ne’i nofo lalata i faamalama.
Faamauina i lipoti mai le vaaitau le faalēaogāina ai o uila ma faititili e toe vaai ma faalogoina ae o loo faatumauina pea tuu mai o fautuaga i timuga mamafa i faaitu o le Bay of Plenty.
Puna o Faamatalaga: https://www.rnz.co.nz/news/national/563691/weather-more-than-a-hundred-homes-without-power-in-bay-of-plenty
