Ua molia nei e leoleo se tama’ita’i i le moliaga o le fasioti tagata ma le loto iai i le maliu ai o se isi mafine.
Lipotia mai na tatui e lē ua molia (se’i tulou), lē ua maliu i totonu o se tasi o fale ‘aau i Bay of Plenty i Awakeri.
E tusa ai ma lipoti mai le leitio faavaomalo o Niu Sila, na valaau ane le ofisa o leoleo ma le auaunaga o faalavelave faafuase’i poo le emergency services i le nofoaga e tali atu i le faalavelave poo le ‘afa o le fā i le afiafi o le Aso Tofi, ina ua lipotia atu se matāupu o se faaoogalima.
Māua e ui i se taumafai ai o le auaunaga e togafitia lē na aafia, peitai e le’i manuia, na maliu lava le tama’ita’i i lea lava nofoaga.
Ma o lea na molia ai loa lē na faatinoina le soligatulafono i lenei matāupu.
O le asō o loo fuafua e tula’i ai lea tama’ita’i i le Faamasinoga Faaitumalo o Whakatāne, e tali i ona moliaga o le fasioti tagata ma le loto iai.
Ua faamaonia mai foi e leoleo, le amata ai o lo latou su’esu’ega i lenei matāupu, ma le mafua’aga na tupu ai lenei faalavelave, ma e tusa ai ma tulaga o lenei matāupu e lē o iai se manatu e sa’ili se isi tagata, e faapea o loo masalomia i lenei matāupu.
Puna o Faamatalaga: https://www.rnz.co.nz/news/national/570054/woman-charged-with-murder-after-a-death-in-bay-of-plenty-settlement
