Ua amata nei su’esu’ega a leoleo i le maliu ai o se alii, i le mae’a ai o se feeseesea’iga na alia’e mai i le faletalimalo i Westport.
Faamaonia mai e le Ta’ita’i Leoleo Asiasi, Commander Inspector Jacqui Corner, na valaau ane lo latou ofisa mo se fesoasoani i se feeseesea’iga poo se misa o loo tupu i le tasi o faletalimalo i Palmerston St, Westport pe tusa lea ma le 10 minute e te’a ai le 3 i le aoauli, i le Aso Lulu o lenei vaiaso.
E ta’ua i lipoti, na maua atu le tasi o alii o loo masalomia na aafia i le matāupu, ua matua’i aafia lava o ia ma tugā ona manu’aga.
O lea na faanatinati atu ai ona avatu o ia le falema’i i Greymouth e faaaogā ai se vaalele.
Faamaonia mai na maliu lava le alii i le falema’i.
Ua molia ai nei le alii o loo tuua’ia i le moliaga o le faaoo manu’a ma le faamoemoe e faaoo ni manu’aga ogaoga.
Ma o le a tulai i luma o le Faamasinoga Faaitumalo o Greymouth i le asō.
O loo talosagina e leoleo se tasi na te silafia se faamatalaga e uiga i lea matāupu ina ia vave faafesoota’i atu le ofisa.
Puna o Faamatalaga: https://www.rnz.co.nz/news/national/568665/man-charged-after-westport-motel-fight-ends-in-death
