Ua lipotia mai nei le molia ai o se alii i le faaleagaina ma le lavea ai o se taavale leoleo.
O lea mataupu na tulai mai i le Aso Lua o lenei vaiaso ma, e faapea sa gaoia e lē se taavale i le vaveao o le aso lua, ma i ripoti na ta’ua ai a o faatautaia poloka masani a leoleo i iluga o ala tetele, i Carbine Road Mt Wellington ae vaaia loa le masa’u a’e o le taavale lea o loo aafia i le mataupu ma agai sa’o a omumū molī faailoilo i luga o le ala tele i le lanu mūmū.
Na taumafai atu malu o le malo na iai i lea taimi e ki atu a latou molī ma sailini faailoilo i lea taavale peitai na agai pea. Ina ua malie le loto o le tagata na faamauina ai loale tu o le taavale.
O le mea mata’utia na tulai mai ina ua iai ma le taavale leoleo, na soso’a ai loa e lē ua molia le taavale leoleo ma e māua e lẽ na o le tasi le taimi na soso’a ai e lē ua molia le taavale leoleo.
Ma i le uma ai ona fai e lea alii o le soligatulafono na sola ese ai loa mai le nofoaga.
Na fasolo loa suesuega a leoleo ma e faapea na maua atu lea alii i Puhinui Rd i Papatoetoe.
E 44 tausaga o le uaa molia ma e 2 moliaga o le faaoolima e faaaoga ai se meatotino, o le tetee atu i leoleo i le faatino ai o la latou pitolaau, o le lē tu ai o le taavale ina ua tuliloa atu e leoleo. Ma le ave faasolitulafono ai o se taavale faapea le ave taavale matautia.
Puna o Faamatalaga: https://www.rnz.co.nz/news/national/566380/auckland-man-facing-serious-charges-after-using-stolen-car-to-allegedly-ram-police-vehicle
