A o faasolo ai galuega faatino a leoleo e ala i le latou vaalele poo le helikopa o le Eagle i le po anapo, i le tausa’ilia ai o se taavale na gaoia i Mt Wellington ae faate’ia le ave helikopa a leoleo i le faalavelavea atu o se leisa mai lalo i le laueleele ua fana atu i le latou vaalele.
Ta’ua i lipoti na vave maua le nofoaga na faatino atu ai e le tagata lea gaioiga ma taofia ai loa o ia.
E 32 tausaga o lē ua taofia ma ua molia i le moliaga i faatinoga e ono lamatia ai auala o femalaga’iga “endangering transport”.
Faamauina e le Pulega o Vaalele Sivili, Civil Aviation Authority, le telē o le aafiaga e ono tula’i mai i le fana atu ai o se leisa i soo se vaalele lava, ona e faigatā foi i se avevaalele ona faafoeina ma le saogalemu le vaalele talu ai le faalavelave o leisa, ae o le taimi e toe lele mai ai le vaa e tu laueleele i laufanua.
Puna o Faamatalaga: https://www.1news.co.nz/2025/06/10/arrest-after-laser-allegedly-pointed-at-police-helicopter/
