E to’atolu ni avetaavale ua molia nei i le tulafono, ona o le lē saogalēmu o gaioiga na fai e faaaogā ai taavale, lea na i’u ai lava ina aafia ai se tagata. 

O lenei matāupu na tula’i mai i Hamilton, ma i faamatalaga, o se potopotoga poo se faatasiga a nisi o tagatānuu e faia solo i auala i Horotiu Bridge, ma le auala i le malaevaalele.

Ma e ta’ua o aga e faatino e i latou nei e pei e tauvā le faavivili ai o pa’u o taavale poo burnouts ma faia tuuga.

O le faatino ai o lea vaega na aafia ai loa se tagata ina ua so’a ma aafia i se tasi o taavale na faaaogā.  

O ē o loo molia o ni alii e 20, 21 ma le 23 tausaga le matutua, ma ua molia i le moliaga o le avetaavale mata’utia ma e le’i faapea na vave tu le taavale i le taimi na aafia ai le tagata.  

O taavale o loo aafia i le matāupu ua ave nei e leoleo ma ua tuuina atu foi se poloa’iga i le lē toe faaaogā ai o taavale a nisi.

Puna o Faamatalaga: https://www.rnz.co.nz/news/national/563131/three-charged-after-hamilton-anti-social-car-chaos-which-left-one-person-seriously-injured