E na o le 14 tausaga o le teineitiiti lea ua molia i le fasioti tagata i se alii e 24 tausaga feta’ua’ina sa tatui se’i tulou e lea teineitiiti i se caravan park i le taulaga o Hervey Bay i Kuiniselani.
O lipoti a le 9News ua ta’ua ai e leoleo o lē ua maliu o Stuart Wallace e 24 tausaga ma sa iai se manu’aga i lona tua, na faavave atu i le falema’i peitai na maliu ai lava.
Faailoa i le lipoti o le teineitiiti e 14 tausaga ua molia ma lana uo o le isi foi teineitiiti e 14 tausaga sa iai faatasi i le nofoaga lea ae taunuu ane lē ua maliu i se taimi mulimuli ane ma e ta’ua e leoleo e foliga sa iai se vevesi na tulai mai i le caravan.
O lē ua maliu e iloa foi e leoleo ae o le asō ua fuafua e tulai ai lē ua molia i le faamasinoga o Tamaiti i Hervey Bay.
Puna o Faamatalaga: https://www.9news.com.au/national/queensland-news-teen-girl-charged-with-murder-after-stabbing-on-fraser-coast/083d56c5-7f4d-4bf9-b81a-5d5e52851183
