Ua taofia ma molia nei e leoleo se tasi o sui a le kegi a le Mongrel Mob, ua tuua’ia i lona susunuina o se falemaliu.

I lipoti o loo ta’ua ai, e fesoota’i lenei faalavelave i feeseesea’iga i le va o kegi poo gangs. 

O le falemaliu na aafia o le Just Funerals i Magele Bridge, ma o se nofoaga sa taula’i iai gaioiga a le sui lenei a le Mongrel Mob ona e māua i lipoti, e iai le tinomaliu o se sui o le isi kegi, o loo vevesi ma lē o loo tuua’ia o loo iai i le falemaliu ma o le ala lea o lona susunuina o le fale. 

I le tula’i mai ai o lenei faalavelave, na faia ai ni osofa’iga a leoleo i ni nofoaga o sui o le kegi o le Mongrel Mob e to’afā, i le sa’ilia ai o lē o loo tuua’ia, ma o lea na taofia ma molia ai loa e leoleo le alii e 30 tausaga mai le Mongrel Mob

Ma o le a tula’i o ia i luma o le Faamasinoga Faaitumalo i Manukau. 

I le faateteleina ai o feeseesea’iga o kegi ua faaalia ai popolega i le lē saogalemu ma le malupuipuia o tagata lautele.

Puna o Faamatalaga: https://www.newstalkzb.co.nz/news/crime/just-funerals-fire-in-m%C4%81ngere-bridge-patched-mongrel-mobster-arrested-over-arson/