Ua molia nei e leoleo se alii talavou, i lona ave faagaoi ai o se taavale a le falema’i poo se ambulance.
Ua ta’ua i lipoti a le 1News, sa tula’i mai lenei matāupu i le falema’i o Timaru i le toe 10 minute i le 1 i le vaveao o leAso Lua.
Ua faamauina sa aveese e lenei alii le taavale a o tapena ai foma’i ma tagata o le auaunaga o fesoasoani muamua e aveese se gasegase sa fuafua mo Kalaiesitete.
O lē o loo molia e 25 tausaga le matua, ma sa gaoi e lenei alii le taavale a le falema’i ma fai ana ti’eti’ega a o tālia le avatu ai o le gasegase mo Kalaiesitete.
Ua faamauina e fai lava sina saoasaoa o le alu o le taavale e ta’ua e 82km i le itula na alu ai le taavale ae na oo atu lava i le 3 i le 4 kilomita le mamao mai le falema’i na oo iai le alu a lea taavale a le falema’i.
Sa mafai ona toe maua le taavale ma le itu na iai ina ua maua i faamaumauga ma sa’ili’iliga e ala i le telefoni a lē efealua’i i lea taavale a le falema’i.
Ua māua i lipoti, e atoa lelei le itula ma le ‘afa o taligā i latou e avatu ai le gasegase mo Kalaiesitete, ma i le alia’e ai o lenei matāupu, ua faamaonia ai ua amata tilotilo i auala e taofia ai matāupu faapenei mai le toe tula’i mai.
Puna o Faamatalaga: https://www.1news.co.nz/2025/05/14/man-charged-after-ambulance-stolen-while-patient-awaited-transfer/
