O loo faasolo nei le faamasinoga o se tagata faigaluega a le malo ona o lona umia ai o ni ata pu’e poo se video o le faalavelave lea na aafia ai le to’atele i Kalaiesitete, na tafana ai e se tasi alii ni tagata tapua’i Musalemi i le tausaga e 2019. 

Na tula’i lea alii i luma o le Faamasinoga Faaitumalo i Dunedin e tali ona moliaga o lona umia ai faasolitulafono o ni ata pu’e ma ni faamaumauga e ono lepeti ai le nofo filemu o tagata lautele poo le vaega ua ta’ua o le “possessing an objectionable publication”.

E tusa ai ma moliaga ua ta’ua o le faasalaga, e 10 tausaga e falepuipui ai poo le faasalaga tupe e oo atu i le $50,000 tālā Niu Sila. 

Faamanino e le loia o loo tula’i mo lea alii, Ane Stevens KC i le leitio faavaomalo a Niu Sila, ta’ua e le alii e na te le’i umiaina ni ata ae tusa lava pe na iai ia te ia ata pu’e nei, e faamauina na iai mafua’aga tatau na umia ai e lenei tagata faigaluega a le malo ia faamaumauga.

O le a tuuina mai le faai’uga a le faamasino i se aso o lenei vaiaso.

Puna o Faamatalaga: https://www.rnz.co.nz/news/national/569655/government-employee-on-trial-for-possessing-christchurch-mosque-shootings-video