Ua molia nei e leoleo se alii 31 tausaga le matua, i se matāupu na alia’e mai Otāhuhu i le amataga o le vaiaso.
Faamauina i lipoti mai le ofisa o le Counties Manukau Police, na valaau atu lo latou ofisa faatasi ma nisi o auaunaga mo faalavelave tutupu faafuase’i, i le Beatty Street poo le itula o le ‘afa o le valu o le afiafi o le Aso Sa, mo se fesoasoani i se tagata ua lipotia atu le tigāina tele.
Ta’ua na faanatinati ona avatu lenei alii i le falema’i, ma i lipoti na maliu lea alii ona o le tūgā tele o ona manu’aga.
Faamaonia e le Ta’ita’i Leoleo Asiasi – o se leoleo su’esu’e faapitoa, Detective Inspector Karen Bright, o le Counties Manukau CIB; na taofia e leoleo se alii i le aoauli o le Aso Gafua.
Ua molia lea alii i le moliaga o le faaoo manu’a ma le faamoemoe e faaoo ni manu’aga ogaoga i le tino i lona faaperetaniaina o le wounding with intent to cause grievous bodily harm.
O le asō e tula’i ai o ia i le Faamasinoga Faaitumalo o Manukau.
Faamanino foi e le Ta’ita’i Leoleo Asiasi, ia Bright le ono iai o nisi o moliaga e faaopoopo atu i moliaga a lē o loo molia.
Puna o Faamatalaga: https://www.facebook.com/photo?fbid=1186304286874042&set=a.311784640992682
