E 33 tausaga o se alii mai Melepone ua molia e leoleo ona o mea faapāpā aemaise le taufaasese e aofia ai se pomu ina ua tapunia ai se tasi o magaala i le ogatotonu o Melepone i le aso ananafi.
O i latou sa faigaluega i nisi o ofisa i le aai e lei mafai ona agai ese mai ina ua suesue e leoleo se taavale lanu pa’epa’e i Collis Street i le aoauli fai mai leoleo na agai ane ai ma le vaega e feagai ma mataupu tau pomu, bomb squad ma pueina ai ma lea tagata.
Sa suesueina e leoleo le taavale ma ua feta’ua’ina sa maua iai se fana ma ni fualaau faasāina, sa sailia foi ma se tuatusi i North Shore ma maua iai nisi aitema e aofia ai ma nisi aitema e masalomia o ni mea faapāpā.
O le asō e tulai ai lea alii i le faamasinoga e tali i ona moliaga ae fai mai leoleo e lē o iai se faamata’u i tagata lautele ma ua toe tatala foi le magaala sa tapunia ananafi a o faia suesuega.
Puna o Faamatalaga: https://www.9news.com.au/national/collins-street-major-police-incident-in-melbournes-cbd-leads-to-arrest/a02b7eb3-674e-4983-95b1-b3274e99baa1
