Ua taofia ma molia nei e leoleo o Wairarapa se alii 44 tausaga le matua, e masalomia lona fesoota’i i matāupu o ni mu poo ni malaia na tula’i mai i le amataga o lenei tausaga.
Ua faila nei e leoleo le oo atu i le 7 o moliaga “o le susunuina ma le loto iai o se fale poo se mea aogā”, poo le arson i Masterton, faasaga i lenei alii, i lona susunuina o ni falesā se ono ma se fale tapua’i a se tasi o falemaliu i Masterton i le masina o Fepuari.
O le asō o loo fuafua e tula’i ai le alii 44 tausaga le matua, i luma o le Faamasinoga Faaitumalo o Masterton.
Ua faafetaia e le Ta’ita’i Leoleo o le pou i Wairarapa, poo Inspector Nick Thom le fesoasoani a le mamalu lautele a o faatautaia ai su’esu’ega a le ofisa.
Na ia ta’ua le telē o le fesoasoani na maua mai i faamatalaga a tagata na tuuina atu e faatatau i lenei matāupu.
Ua faaalia foi le agaga faafetai a le pulenuu o Masterton ia Gary Caffell ua maua lē na faia lea gaioiga faalēalofa.
Puna o Faamatalaga: https://www.rnz.co.nz/news/national/561397/man-charged-over-seven-suspicious-fires-in-masterton-churches-chapel
