Ua ta’ua i se lipoti i le asō a le Alaata 9 e faitau miliona tagata Ausetalia ua vaaia le faaitiitia o tupe teu ona o ni tulaga e mana’omia vave ai le fesoasoani tau tupe i totonu o le 12 masina talu ai, o faamatalaga ia sa maua i se su’esu’ega sa faatinoina e le Finder.

Fai mai o le 18 pasene o tagata na tali ane i le su’esu’ega ua o latou faailoa ua aafia i ni faaletonu tau tupe i le tausaga talu ai ma ua faaitiitia ai tupe teu e pei ona masani ai.

O isi faamaumauga mai le su’esu’ega ua iloa ai o le 440 pasene o tagata Ausetalia e itiiti ane i le afe tala le paleni o a latou tupe teu ma afai ae tula’i faafuase’i se tulaga e mana’omia ai se fesoasoani tau tupe, e lē taumate o le a feagai ma faigata.

Na faailoa e le au su’esu’e o se tausaga faigata tele lenei mo tagata Ausetalia i tulaga tau tupe ona o le taugata o le tau o le soifuaga.

Puna o Faamatalaga: https://www.9news.com.au/national/millions-hit-by-financial-emergency-in-past-12-months-finder-study/bd86e2ea-e51e-451b-90cb-fbe8173f802b