E lua galuega ua faigaluega ai nei se tina mai Aukilani e tausia ai si ona aiga ina ua maumau lana vaegatupe tele i ni tagata taufaavalea fai mai o ni tagata ofisa mai Saina.
Ua lipotia e le One news ile aso se faamatalaga mai le Netsafe e faapea e faitau afe tupe a tagata ua maumau I le lua tausaga talu ai I se mataupu ua faaigoa ole Chinese Embassy Scam.
O le tina e pei ona muai taua na ia maua se telefoni ile masina o Me fai mai o se tagata mai le Shanghai Communications Administration ma ua faailoa atu ia te ia o ia leisi tagata o loo lafoina ni feau taufaasese I Saina.
O lea tina e mai le pitonuu o Guangshou ae ua leva e lei toe oo iai. Fai mai le tina sa masalosalo lava I le amataga peitai e matuai tulaga ese foi le gagana na faaaogaina mai e nei tagata ua atili ai lona manatu e moni a latou faamatalaga.
Na o latou faailoa I lea tina e ao ona toe foi I Saina ao lei toe tipotiina o ia I lona atunuu ona o loo aofia I se faiga taufaasese o loo suesueina e leoleo ma le malo. E faalima ona lafo e lea tina vaegatupe sa faatonu mai e le au taufaasese ma e 200 afe le aofai o le tupe na ia totogiina.
Mulimuli ane ina ua ia faamatala I lana pule I le galuega na fautuaina ai e lipoti le mataupu I leoleo,fai mai leoleo e le tele se gaioiga e mafai ona o latou faatino ma o le taimi nei la ua faigaluega le tina I galuega e lua e le gata mole totogiina o lana nonogatupe I le faletupe ae ole tausiga osi ona aiga.
Toe tuu mai foi le faamanatu a leoleo e ao lava ona mataala i tulaga faapea ma vave ona lipoti atu mataupu faapea I leoleo.
