Na maua le tino maliu o se alualutoto i se paka i Aukilani i le taeaopo o le Aso Sa, o ananafi lea.
I se faamatalaga mai le Satini Sinia a le ofisa o leoleo i le Aai o Aukilani, Sergeant Ash Matthews, sa fesoasoani ane se tama’ita’i i su’esu’ega a leoleo i lenei faalavelave ina ua mauaina le tino o lenei alualutoto i Albert Park i le taeao ananafi.
Na ta’ua e Matthews, pe tusa o le 7 i le taeao ananafi na valaau ane ai leoleo e se tagata e faigaluega i lea paka, o ia lea na mauaina le tino maliu o le alualutoto.
O le itu faanoanoa ona e fai atu su’esu’ega ma iloa ai ua uma lava le ola o si nei pepe.
Ua faagasolo nei su’esu’ega i le nofoaga na maua iai le tino o le pepe ma sa faatalanoa foi e leoleo se tama’ita’i e iai lo latou talitonu o le tinā lea o le pepe.
O le a faia foi se ta’otoga faapitoa mo le su’esu’eina o tino maliu e faamautinoa ai le mafua’aga lilo o le uma o le ola o si nei alualutoto.
Puna o Faamatalaga: https://www.stuff.co.nz/nz-news/360801282/dead-baby-found-auckland-park?cx_testId=58&cx_testVariant=cx_1&cx_artPos=0#cxrecs_s
