Ua taofia nei e leoleo se alii e 36 tausaga le matua, ina ua maua e sui o le ofisa o tiute le silia ma le 20 kilokalama o le pauta faasāina o le meth i totonu o lana atopa’u i le malaevaalele faavaomalo i Aukilani.
O loo masalomia na ia taumafai e aumai faananā i totonu o le atunuu.
O lē o loo aafia sa taunuu mai Denpasar i Bali i le faigāmalaga a le vaa o le NZ291 i le Aso Lulu o lenei vaiaso, e pei ona tuua’ia ai lona taumafai e aumai le 20.28 kilokalama o le ‘aisa.
O loo molia nei o ia i le moliaga o lona aumaia o se ituaiga fualaau faasāina o loo i le faatulagaga o le Class A controlled drug – le methamphetamine.
Na tula’i lea alii i luma o le Faamasinoga Faaitumalo a Manukau.
Ma e faaalia i faamaumauga ma faamatalaga o le molia ai o lea alii, e foliga mai e maumau solo le tagata, e lē aumau pe nofo i se nofoaga e tasi.
Ona o le mata’utia tele o moliaga ma gaioiga a lea alii, ua faamauina ai le ono soloatoa ai i le falepuipui.
Ua faamanino mai i lipoti, e foliga mai o lē ua taofia ma molia o se tagata e galue o se faufautua i olaga o tagata poo se life coach.
Puna o Faamatalaga: https://www.newstalkzb.co.nz/news/national/life-coach-arrested-at-auckland-international-airport-accused-of-smuggling-20kg-of-meth-from-bali/
