E oo atu i le 5 ni au’upega mata’utia poo ni fana i lona faaperetaniaina o le military-style semi-automatics na maua mai i ni osofaiga a malu o le malo na faia tauala mai i se pepa faataga o search warrants. Na faatino i le fale a sē tasi o tagata e iai sana laisene e na te umia ai se la’au malosi i Neiper.
Faamanino e le Staini Sinia, o se leoleo leoleo su’esu’e faapitoa ia Detective Senior Sergeant James Keene, na faatautaia a latou osofaiga i le fale a le alii o loo afia nei i le mataupu, ona o ni popolega i le tulaga o le mafai ona ia umiaina o se laisene e na te tagofia ai se la’au malosi.
Ta’ua e le alii Satini Sinia, o le vaega mata’utia i le faatautaia ai o lo latou osofa’iga o le maua atu lea o ia laau malosi o loo i totonu o potu e tofafā pe momoe ai lana fanau. A o ia auupega o ni laau malosi e lē faatagaina i lalo o le tulafono ona umiaina e se tasi pe aumai foi i totonu o le atunuu.
Faaopoopo Keene,e momomo le loto i le molimauina lē uia e lenei tagata o aiaiga e pei o le teu malu ai o laau malosi ma na vaaia foi le paepae solo o ututau i totonu o potu moe a nei fanau.
I suesuega foi a malu o le malo, e lei maumaututū ma aloaia lelei le faatino o le laisene a lenei alii.
E 42 tausaga o lenei alii, ma ua molia nei i le tulafono, e pei ona ia moliaga e 14. E aofia ai moliaga o lona umi faasolitulafono ai o auupega matautia, o le umia faasolitulafono o ututau ma moliaga o le ave taavale ōnā ma le ave taavale mata’utia ma isi.
Puna o Faamatalaga: https://www.rnz.co.nz/news/national/566325/illegal-firearms-found-in-children-s-bedrooms
