Ua faamaonia e leoleo le maua ai o se tino e nisi o sui o leoleo o le gataifale i faaitu e lata ane i le motu o Paratutae, a o tau sa’ilia ai le tagata māulu poo se diver, na lipotia atu le leiloa mai i gataifale o Whatipū.
Ta’ua e leoleo o loo faasolo vaega e tatau ona iloilo e mautinoa ai o le tagata māulu lea, poo le vaega ua ta’ua o le formal identification.
Mo le silafia o lē na tau sa’ilia, na lipotia atu i leoleo lona leiloa i le taeao o le Aso Tofi o lenei vaiaso, poo le 23 minute e te’a ai le itula e 5 i le taeao.
I le faasolo o sa’iliga a leoleo, na faaaogā ai The Police Eagle e fesoasoani atu i sui o leoleo gataifale, le vaega o le Search and Rescue ma le Coastguard New Zealand.
