Ua tuufaatasi le palota e faaali ai finagalo o fanau e lagolagoina pea le faaauau ona maua o lunch fua i aoga.

O le faaiuga o le vaiaso talu ai e lē gata o lea na maua le avanoa online ae o lea foi na mafai ona faaali finagalo i le Kids Only Market i Mt Albert i Aukilani i le Aso Toonai.

O lea ua fai mai le malo ua agai e faamuta le polokalame o loo maua fua ai lunches a fanau aoga poo meaai nei o loo fafaga ai le tusa ma le 230,000 fanau i le vaiaso mai le selau o aoga i Niu Sila.

O le manao o le malo ia faasao mai ai le $160 miliona.

Peitai e lē o faigofie e le Save the Children ma o lea ua vaavaai ai e tatala le avanoa e faaali ai manatu o fanau faapea tupulaga talavou ma o faaiuga foi o le a tuuina atu i le malo.

O le polokalame o loo maua fua ai lunch a fanau aoga o lea e gata lona faatupeina i le faaiuga o le tausaga lenei 2024.