Ua lipoti mai le maua ai e leoleo o ni maruana i totonu o se taavale a o faatino a latou poloka a leoleo poo Check points, e faatino ai su’esu’ega mo i latou o loo avetaavale faasuā’avā, le alcohol breath test.
Ta’ua e le Ta’ita’i Leoleo Asiasi, Inspector Rakana Cook, e pei o galuega masani na taofi e leoleo se taavale i le auala o Dawson Rd, Clover Park mo le breath test, ma faamauina a o faatino ai lea vaega, na latou molimauina le malosi o le sasala o le manogi o le maruana na sau mai totonu o le taavale, ma o inā na su’esu’e ai loa e leoleo le taavale ma maua ai ni taga o loo iai totonu fualaau faasāina o le maruana.
Mai lipoti e 9 lelei taga maruana na maua atoa ai ma taga lapisi o loo iai totonu nisi o maruana e 4 kilokalama lona mamafa.
Faamauina le fai lava sina faasuā’avā o le alii na ave atu le taavale, mai i lana breath test e 600 micrograms na maua ai.
E faaluaina le maualuga faatulagaina o le tagofia ai e lea tagata o le ‘avamalosi.
Puna o Faamatalaga: https://www.stuff.co.nz/nz-news/360699303/cannabis-haul-found-during-police-breath-test-stop
