Ua maua le avetaavale o le taavale lea na ia so’aina le tamā na maua o taatia lona tino i luga o le auala i Lucas Heights i Aukilani i le aoauli o le Aso Faraile.
O le ‘afa o le 12 i le aoauli o le Aso Faraile na maua ai e se tasi o tagata lē ua maliu i O’Brien Road i North Shore, ma e faapea e maua ua lē iloa se isi.
O lea na su’esu’e mai ai loa o se tasi na so’a e le taavale, hit-and-run, ma o ananafi lea na faato’ā faamautinoa mai ai e leoleo ua maua le avetaavale o le taavale na su’e.
E oo mai i le taeao nei o loo faatalosagaina pea e leoleo le fesoasoani a tagata lautele poo i latou nei na uia Ridge Road ma O’Brien Road i le po o le Aso Tofi faato’ā uma atu se’ia malama le Aso Faraile, ma o loo mafai ona faafesoota’i leoleo i le telefoni poo le aga’i online.
Puna o Faamatalaga: https://www.stuff.co.nz/auckland/local-news/301024179/police-identify-driver-appeal-for-answers-in-auckland-hitandrun
