Ua faaalia nei popolega a se tasi o faalapotopotoga i aafiaga o se taaloga fou ua ta’ua o le Run it Straight, ua amata ona faatino solo i Aukilani nei.  

 O le taaloga o le Run it Straight ua faamauina, o se tasi o vaega ua maitauina le to’atele ai o tagata e fiafia iai, ma ua vaaia foi le maualuga o numera o ē e maimoa ai i luga o upega tafa’ilagi.  

I le faatinoga o lenei taaloga e pei ua e vaai i le taaloga o le lakapi, peita’i e lē o se lakapi, ae e to’alua tagata e auai ai, e tamo’e le tasi ae pu’e le isi.

E foliga e faigofie ma e leai se aafiaga peita’i ua faailo e le Brain injury support group e fai lava sina mata’utia o aafiaga o le faia’i se’i tulou poo le ao o le tagata e na te auai i lea ituaiga taaloga.  

Ua popole i latou i le maualuga o le numera o tagata e aga’i e auai i le Run it Straight, ma e faamauina e iai lava faatasiga ua manino le faatino i Aukilani ua oo le 20,000 tālā Niu Sila le manumālō.  

E ui i le faaalia ai o popolega a le faalapotopotoga ae o loo molimauina le faaauauina pea o lenei taaloga ma ua faaalia o loo faia a latou lava galuega e puipuia ai i latou aemaise o le faia o aiaiga mo ē fia auai i le RUN IT.

Puna o Faamatalaga: https://www.rnz.co.nz/news/sport/561517/brain-injury-support-group-appalled-run-it-collision-sport-events-held-in-auckland