I le loulouā tele o le tau ma foliga vaaia o lenei aso, ma ua tuuina mai e le Ofisa o le Vaaitau fautuaga i uiga loulouā o le tau i le tele o vaega i le atunuu.
Faamauina i lipoti mai le vaaitau, o faaitu o loo maitauina le aafia e aofia ai Kaipara, Waitakere, Franklin, Rodney.
E tusa ai ma faamaumauga mai le ofisa i le taeao nei, o loo maitauina ai le malolosi o uila ma faititili e vaaia i Saute i Sasa’e.
Ua faamauina le vaaia o le tetele o aafiaga o uiga loulouā nei i Kaipara Head faasolo atu i le Shelly Beach ma Helensville.
E lē gata ina vaaia faititili ma le emo malosi o uila, ae molimauina le to mai o timuga tetele.
Ma ua lipotia, ona o le tetele o nei timuga, e lē fesiligia le ono tula’i mai o lōlōga, aemaise lava i vaitafe ma nofoaga tu maualalalo, faapea nofoaga tu taulaga, ma avea ma faafitauli mo le to’atele o avetaavale i le feoa’iga o taavale i luga o le alatele.
O loo mata’itūina pea tulaga ogaoga o le tau ma ua tuuina mai ai ma fautuaga a le Pulega o Faalavelave Faafuase’i, National Emergency Management Agency mo tagata lautele ina ia tautuanā le saogalemu i taimi uma; e pei ona faailo le moomia ai ona mālōlō lelei i totonu o maota ma laoa.
Ia mautinoa le loka mau o faitoto’a ma tapuni mau faamalama.
Ia tau mamao mai ma ni laau tetele pe a o i fafo.
Ia toe aga’i mai i uta i le eleele mātūtū pe a o i le gataifale.
Afai o iai sou sā poo sau taavale, ia mautinoa le ufiufi malu faapea ai ma le tele o aseta o loo i fafo o le fale.
Ia tautuanā le faamamā o talivai ma ’autu o loo i lumāfale.
A o e i luga o le auala ia ave ma le faaeteete le taavale i taimi uma.
A ia mata’itūina lelei ni poumōlī ma pou eletise i aafia ai se tasi.
Puna o Faamatalaga: https://www.metservice.com/warnings
