A o faagasolo ai taaloga laiti a le Pasefika i Palau, o lea ua maitauina le mata’ina o taumafaiga a alo ma fanau o le atunuuo loo tausiniō.
Ma i lipoti mai le taeao analeilā ua faamauina ai le ausia e o tatou tagata taaalo o pine auro e 6 ma pine apa memea e 4 mai taaloga eseese.
I le faatulagaga o ia pine, mo le pine ‘auro.
O le tama’ita’i o Anne Cairns ua ia mauaina lea pine i le faagatama o le Vaa V1- 500mita i le itupa o tama’ita’i.
O Shane Palemia – na ia manumālō i le taaloga o le tauiviga sa’oloto poo le vaega ua ta’ua o le Wrestling Freestyle i le itupa o alii i le mamafa 86kg; ma le vaega o le Wrestling Greco 87kgs
O Ekitoa Tamati i le taaloga lava e tasi o tauiviga i le itupa o alii i le mamafa Wrestling Freestyle – Male 97kg i le vaega o (Juniors) na suipi foi le alii i le vaega o le Wrestling Greco – Male 97kg (J).
O le tama’ita’i o Paige Schendelaar-Kemp na mauaina le pine auro i le taaloga o le a’au – 100m Butterfly mo le vaega o tama’ita’i.
Mo pine apa memea, na sola ai le ‘au a’au a Samoa i le itupa o tama’ita’i i le 4 X 100m Freestyle Relay.
E faapena foi na sola Samoa ma le pine apa memea i le vaega ua ta’ua o le 4 Swimming 4 X 50m Medley Relay Mix.
Ma le tama’ita’i o Salani Sa’aga – Swimming 400m Individual Medley.
O le taaloga o le fanafana ‘aū – Archery Recurve – Double 720 Round 70m na manumālō ai le tama’ita’i o Jil Grete Walter.
Puna o Faamatalaga: https://pg2025.gems.pro/Result/MedalListContingent.
