O le maua o se tino maliu o se alii i se fale i le itu i Sasae o Melepone ua faia ai nei se su’esu’ega a leoleo.

Fai mai e lei faamaonia poo ai tonu lē ua maliu ae na maua atu i se fale i le faaitu o Mitcham i le afiafi ananafi.

Ua ta’ua e le 9News na valaau ane le taavale a le falema’i i lea tuatusi ae osofa’ia ai e se tamaitai se tasi o paramedics.

Na aga’i atu iai leoleo ma pu’e ai le tamaitai e 27 tausaga lea o loo i le falema’i i lalo o le vaaiga a leoleo.

E lei faatalanoaina i le taimi nei ma e lē o mautinoa foi le mafuaaga o le maliu o le alii ua aafia ae fai mai leoleo e masalomia le mataupu lenei ma o loo faagasolo su’esu’ega.

Puna o Faamatalaga: https://www.9news.com.au/national/body-found-mitcham-melbourne-investigation-underway/62a77e5a-eeb5-490b-b6b8-e718b92a9682