Taalo le Manu Samoa ma Fiti i le taamilosaga a le Pacific Nations Cup i Rotorua, ma faia’ina ai le Manu Samoa i ‘ai e 15 ae 29 ‘ai o Fiti.
Saunoa le faia’oga o le ‘au, susuga Lemalu Tusi Pisi, “e iai ni mea sili ona lelei mai le matou ‘au, ae iai foi mea na le’i atoa ai le matou faatinoga, ma ua matou toe tigaina ai lava.”
Sa ave lava e le Manu Samoa le ‘afa muamua o le taaloga, ma maua ai le sikoa a le alii o Pita Anae-Ah Sue ma le kiki o le sala mai ia Rodney Iona, ma e ta le mālōlōga o sili ‘ai o Samoa ia Fiti.
Peita’i e ui i le malosi o le latou puipui atu ma le malosi o le taaalo, ae na liliu lava e Fiti le taaloga i le ‘afa lona lua, sosoo ai sikoa e tolu a Fiti ma manumālō ai.
Saunoa le kapeteni o le ‘au, le alii o Michael Alaalatoa, sa matuā fiafia lava i taumafaiga a tama o le ‘au, ma o lea o loo lelei le aga’i i luma o le ‘au, ae mo le aga’i atu i le vaiaso fou, e tele isi mea e moomia ona faaleleia.
O le faia’ina ai o Samoa i lana taaloga i le vaiaso talu ai, ua tatau ai ona galulue malosi ina ia mafai ona saofagā atu i ‘au o le a agavaa e taaalo i le taamilosaga mo le Ipu a le Lalolagi.
