Ua toe molimauina le siitia o le numela o tagata ua aafia i āuga o le gasegase o le dengue fever poo le fiva o ponaivi, ma ua toe fautuaina malosi ai le atunuu i auala o puipuiga.
O faamaumauga lata mai i le matāgaluega o le soifua mālōlōina ua faailoa ai le 237 o tagata ua aafia ma maua ai se aofa’iga e 945 o gasegase o le fiva ponaivi ua faamaonia talu mai Ianuari o le tausaga nei.
O le 86 pasene o i latou ua aafia i āuga o tagata e i lalo ifo o le 20 tausaga le matutua poo se vaega to’atele o tupulaga talavou.
O puipuiga tāua e tatau ona faatino o le faamamā o nofoaga e fiafia iniseti o le namu e nonofo ma tautuufua ai, ae o puipuiga mo le tagata lava ia, ia faaaogā tulinamu, ta’inamu ma ofu e ufiufi lelei ai le tino mai iniseti o namu.
Ua lipotia e iai se isi tamaitiiti ua fano le ola ona o le fiva o ponaivi.
