O le 14 o ‘ai o le Toa Samoa ae 6 Niu Sila i le mae’a o le ‘afa muamua o le taaloga sa’ili siamupini ma le Kiwis i le afiafi o le Aso Sa, e mae’a le ‘afa mulimuli e pei ona maimoaina e lo tatou atunuu faapea le lalolagi o le lakapi liki, o loo tumau pea i le 14 ‘ai o le Toa Samoa ae ua oo ‘ai o le Kiwis a Niu Sila i le 36 ma ua umia ai nei e Niu Sila le Ipu o le taamilosaga o le Pasefika.

Ae i le alofaiva o le tatou ‘aulakapi o le Manu Samoa i le taamilosaga sa’ili avanoa mulimuli mo le Ipu a le Lalolagi, o lana taaloga muamua na feiloa’i ai ma le ‘aulakapi a le atunuu o Brazil na manumālō i ‘ai e 48 i le 10 a Brazil.

O le taamilosaga sa’ili avanoa mulimuli lea o le a taaalo ai foi ma ‘au a le atunuu o Peleseuma poo Belgium ma Namibia.

O Dubai o loo faagasolo ai lea taamilosaga e faamautū ai pe sao atu Samoa i le Ipu o le Lalolagi i Ausetalia.