E to’atasi si tagata faigaluega ua maliu i se faalavelave na tupu i le fale faigaluega i Clyde i le taeao analeila.
Ua amata nei le su’esu’ega a leoleo i lea faalavelave ae ua faailoa e le 7News o se nofoaga o loo faia ai galuega i le itu i Sisifo o Sini, construction site na tupu ai le faalavelave, faamanu’alia ai lē ua maliu ae lei tāina le 8 i le taeao i Kendall St i Clyde.
Faamatala e le lipoti na aafia sia tagata faigaluega i le plaster na pa’ū ane ma aafia ai.
Sa faavave atu le fesoasoani faavavave i lea nofoaga peitai na maliu ai lava si tagata lea e 55 tausaga o le soifua.
O le Safework NSW lea ua feagai ma le su’esu’ega ma o le a saunia foi se lipoti e tuu atu i le coroner.
Puna o Faamatalaga: https://7news.com.au/news/man-dies-in-workplace-accident-at-construction-site-in-clyde-in-western-sydney-c-16250741
