Ua molimauina le salalau ai o tusitusiga ma lipoti a ofisa faasalalau i Amerika e faamaonia mai ai le maliu faafuase’i o le alii o Arthur Folasa Ah Loo.
O se alii iloga i lana taleni o le su’isu’i i le Atu Pasefika ma le tele o atunuu o le lalolagi i lona faaperetania o le fashion.
O le alii o Arthur poo Afa e iloa ai e le to’atele o se alo o Samoa, 39 tausaga le matua, ma na maliu faafuase’i o ia i le afiafi o le Aso Toonai a o iai i se tasi o solotetee na faatino i Salt Lake Utah – le No Kings Day protest.
Mai i lipoti a le KUTV a Amerika, o Afa na fana sesē e se tasi o tagata na iai e faapea e fesoasoani e tausia le filemu poo le peacekeeper.
Faamauina o lē ua taofia ma molia nei e leoleo o le alii o Arturo Gamboa 24 tausaga, ma i molimau e faapea; na aga’i atu Arturo ma le fana ma savali sa’o i le to’atele o tagata o loo savavali ae faapā loa e le peacekeeper le fana lea o loo ta’ua na lavea ai Afa Ah Loo.
Ua amata nei su’esu’ega a leoleo ma le ofisa o le Loia Sili i lea matāupu, ae ua molia nei le alii o Arturo Gamboa i le fasioti tagata ma le loto iai poo le murder.
Molimau o lē o loo tuua’ia ma molia na aafia foi na lavea faatasi ma le alii o Afa Ah Loo.
Ae o le fesili tele ua alia’e mai poo ai tonu le peacekeeper na faapāina le fana poo le ā foi se fuafuaga o le a faatino i lea tagata, e ese mai le alii o Arturo lea ua molia nei.
O Afa, o se alo iloga o Samoa ma o loo soifua mai pea si ona to’alua ma si ana fanau e to’alua.
Puna o Faamatalaga: https://kutv.com/news/local/peaceful-protester-killed-by-gunfire-during-no-kings-day-demonstration-in-salt-lake-city
