Ua taunuu i le asō i Papua Niu Kini le minisita o le va i fafo a Ausetalia, Penny Wong ma isi minisita sinia mo talanoaga ma lea atunuu i mataupu tau fefaataua’iga ma le puipuiga o le atunuu lautele e pei ona faailoa e le 9News.

O Port Moresby e faataunuu ai ia faatalanoaga ma ua faia i le faato’ā mae’a atu o le malaga mai o le Premier o Saina i Ausetalia ma toe faia ai foi nisi fetuunaiga i le va o malo e lua e lē gata i fefaataua’iga ae faapea foi i femalagaa’iga.

O le masina o Tesema o le tausaga talu ai na sainia ai se maliega a Ausetalia ma Papua Niu Kini i tulaga tau puipuiga ma ua faailoa e le minisita o Penny Wong i le lipoti o le auai atu faatasi o isi sui o le Kapeneta e pei o le Sui palemia ma le minisita foi o le puipuiga, o Richard Marles ua faailoa ai le tāua o PNG ia Ausetalia.

Puna o Faamatalaga: https://www.9news.com.au/national/australian-ministers-visit-papua-new-guinea-for-trade-and-security-talks/49a03e98-95f1-41ff-9c2d-94ed05513b6c