O le fono a ta’ita’i o malo o le Pasefika ma le Pelesetene o le malo o Farani ia Emannuel Macron o loo auai atu iai le Palemia o le malo tausi ma le minisita o le Matāgaluega o Puna’oa Faalenatura ma le Si’osi’omaga.
O se fono e pei ona faailoa e le ofisa o malo o le Pasefika sa talanoaina ai i le Aso Lulu o lenei vaiaso matāupu i le si’osi’omaga, pulea lelei o ogasami, suiga o le tau ma le tausia o le filemu faapea le puipuiga.
O se avanoa tāua foi lea sa feiloa’i ai ta’ita’i o malo ma le Pelesetene o le malo o Farani e faatalatalanoa nisi o fesoasoani o loo maua mai lea malo i le atina’e o tamaoaiga o atunuu ta’itasi.
O lea faatasiga o loo faia faatasi ma le fono a Malo Aufaatasi o loo usuia i Farani, o loo autū i le talanoaina o le matāupu i ogasami ma atuvasa o malo le United Nations Ocean Conference.
