E lē tau faailo le tele o faafitauli ua fetaia’i nei ma le to’atele o tagata Kiwi i lenei vaitau.
E pei ona molimauina le alualu i luma o le taugatā o le soifuaga ae ua maualuga ai ma le numera o tagata ua nonofo solo i aai ma tafāala o aai poo homeless.
I faamaumauga i le matāupu, talu mai le masina o Setema o le tausaga 2024 se’ia oo mai le tausaga lenei, ua faamauina ua oo atu nei i le 90% le maualuga ua oo iai le pasene o tagata ua nonofo solo i aai o Aukilani nei.
O se faafitauli ua faaalia ma tuua’ia ai e nisi o auaunaga, poo outreach services e aga’i lea i nofoaga ma fale o loo maitauina le faaaogā e tagata e tau ina mapu iai mo sina taimi.
E ta’ua ua faafaigatā e le faigāmalo lenei ia aiaiga ma agavaa poo emergency housing e eligibility i le maua ai e le tagata o fale nei.
Ma ua ta’ua e nei auaunaga ua tatau lava ona fai iai se fuafuaga a le malo.
Ua upuia ai e se tasi o sui a laulaufono o Aukilani, Angela Dalton ta’iala ma fuafuaga fou a le faigāmalo o loo iai nei.
Faamanino e Angela o ia suiga fou i aiaiga nei ua faigatā i nai tagata o loo iai i tulaga ma’ale’ale (vulnerable).
Faaalia e le Minisita Lagolago o Fale poo le Housing a le atunuu, Tama Potaka e eseese mafua’aga e ala ai ona leai ni nofoaga ma ni fale e nonofo ai, e aofia ai ni feeseesea’iga ma aiga.
Ua tali le minisita e lē na o suiga i aiaiga ma ta’iala le mafua’aga.
Ma ua ia faamanino le galulue faatasi ma nisi o auaunaga e faatino le tele o fesoasoani, social housing builds, ina ia mafai ona maua e le to’atele ni fale.
Ae i lipoti mai le Matāgaluega o le Ministry of Social Development ua o latou faamauina ai o le 36% o tusi talosaga e oo atu mo emergency housing e lē o taliaina.
Ta’ua e le to’atele e leai se agaga alofa ma se agaga fesoasoani o le malo ma le tele o matāgaluega o loo nafa ma lenei matāupu.
Puna o Faamatalaga: https://www.rnz.co.nz/news/national/568414/auckland-homelessness-spike-who-or-what-is-to-blame
