Ua faatino se tasi o osofa’iga a Lusia ia Ukraine i le po anapo faasolo mai i le vaveao analeila ma ua faailoa e le CNN e silia ma le 800 drones sa faaaogāina e osofa’i ai se fale o le malo o Ukraine i Kyiv mo le ulua’i taimi lea ua osofa’ia ai lea nofoaga.
Ua ta’ua i lipoti e iai ma si pepe o loo aofia i le aumaliliu mai lea osofa’iga sa faaleagaina ai ma isi fale i le laumua o Ukraine.
O le faamatalaga a le Peresetene o Ukraine i luga o le upega tafa’ilagi a le X ua ta’ua ai e to’afā tagata maliliu ma le 44 o loo manunu’a mai ia osofa’iga.
Ta’ua e le ea fosi a Ukraine o le tele o drones na faaaogā i le osofa’iga na o latou tafanaina i lalo peita’i o le 54 o ia drones sa taunuu lelei i nofoaga sa taula’i mai iai osofa’iga ma o vaega ia o loo faaleagaina aemaise foi mai missiles e 9 sa tafanaina ane.
Faailoa e Trump i le lipoti lea ua sauni nei e faatino le vaega lona lua o ana sanctions faasaga ia Lusia, saunoa le sui o le faigāmalo a Trump i Ukraine o Keith Kellogg, e foliga mai o le matāupu lea ia Ukraine ma le osofa’iga i Kyiv o se faailo e lē o mana’o Lusia e faamuta lea taua.
Puna o Faamatalaga: https://edition.cnn.com/2025/09/07/europe/ukraine-russia-largest-attack-intl-hnk
