Ua fai lava si lē malamalama o le to’atele i le matāupu e faatatau i talanoaga a Lusia ma Ukraine e faatatau i le taua o loo tula’i mai i le va o nei atunuu e lua.

O lipoti i le asō ua faailoa ai sa feiloa’i le ta’ita’i o Ukraine Zelensky ma le Peresetene o Take i Ankara peita’i ua lipotia e le’i iai ni talanoaga na faia ma Putin ona e le’i malaga atu i Instanbul e pei ona faailoa e Zelensky o le a faatali ane ai mo se la fonotaga.

U faailoa e nisi sooupu mai lea faaitu ua faaumiumi tele lenei matāupu ma ua tatau lava ona taunuu ia i se taunuuga ua lēlavavā uma tagata.

Na ta’ua i lipoti e foliga o loo faasiusiumata uma ta’ita’i o atunuu e lua, Lusia ma Ukraine aga’i i le Peresetene o Amerika ma ana gaioiga i le matāupu lenei ma e manatu foi nisi o le tulaga tonu lea o loo tulitulia e Putin.

Ua iai foi isi lipoti ua ta’ua ai e Trump o le matāupu lea faato’ā mae’a pe a uma ona o la talanoa ma Putin ma o loo mata’itū pea e le lalolagi le i’uga o le a iai ia feutana’iga.

Puna o Faamatalaga: https://edition.cnn.com/2025/05/15/world/peace-talks-russia-ukraine-confusion