Ua lapata’i Trump ua mae’a faailoa atu e le ta’ita’i o Lusia Vladimir Putin o le a tali ane lona atunuu i le osofa’iga tele a Ukraine sa faia atu i le vaiaso nei i nofoaga o airbase a Lusia.

Ua faia ia faamatalaga e Trump i le mae’a o le la talanoaga i le telefoni ma le ta’ita’i o Lusia lea ua ia faaalia manino ane ai lea tulaga e ui e le’i faamaonia ane e sui o Lusia ina ua fesiligia e le BBC.

Fai mai Trump pe ā ma le itula le umi o le la talanoaga ae o le asō lea o loo fuafuaina ai se feiloa’iga a le aumalaga mai Ukraine e aofia ai le Sui Palemia ma sui o le senate a Amerika i Uosigitone e talanoa ai le faatauina o a’upega ma taumafaiga e faamuta ai le taua i Ukraine.

Ua ta’ua foi i le lipoti lea sa faia foi se talanoaga a Trump ma Pope Leo XIV i luga o le telefoni i le vaiaso nei ma faamaonia ane e le Vatikana o le matāupu lava i se filemu mo Ukraine o loo faatalanoaina.

Puna o Faamatalaga: https://www.bbc.com/news/articles/cx2r108l785o