I se lipoti lata mai i le taua i Ukraine, ua faailoa i le asō le asia mo le ulua’i taimi e le ta’ita’i o Lusia, Vladimir Putin o le faaitu o Kursk talu mai se taimi umi o le taua i Ukraine.

Ua lipotia le feiloa’iga a Putin ma ta’ita’i o le aai o Kurchatov ma asia Kursk i nofoaga tau niukilia o loo iai e pei ona faamaonia mai e le Kremlin.

E le’i pine ona mae’a atu le talanoaga ma Trump i luga o le telefoni i le vaiaso nei lava ae o lea ua faagasolo polokalame a le ta’ita’i o Lusia mo feutana’iga e faatatau i se filemu i lea itu o le lalolagi.

Na faailoa e Putin a o iai i lana malaga asiasi lea i Kursk o loo taumafai pea vaega’au a Ukraine e aga’i ane i le tuaoi ma Lusia ae ua sauni le Kremlin e galulue faatasi ma Ukraine mo le taofia o fetauiga mo se taimi peita’i e le’i mautū mai lava se faamatalaga i se aso ma se taimi e talanoa ai ta’ita’i o itu e lua mo se filemu mautū i Ukraine.

Puna o Faamatalaga: https://edition.cnn.com/2025/05/21/europe/putin-ukraine-russia-kursk-visit-intl-hnk