E to’atasi le tagata o loo lipotia ua fasiotia i osofa’iga a Lusia ia Ukraine e faaaogā ai drones ma ua faailoa i lipoti aupito lata mai o le taua lea, talu ona faailoa e Amerika o le a toe tuuina ane le fesoasoani tau militeli mo Ukraine, ua vaaia le faateteleina ane o osofa’iga a Lusia.
O faamatalaga mai le Ea Fosi a Ukraine ua ta’ua ai o le osofa’iga lea a Lusia sa faaaogā ai drones e 728 ma missiles e 13 ma ua tupu mai lea osofa’iga i se taimi ua faatele ai ona faia taumafaiga mo se filemu i le va o atunuu e lua e ui o loo teena pea e Lusia nisi o finagalo faaalia mo se filemu.
Fai mai le Ea Fosi a Ukraine, e 718 drones na o latou faaleagaina ma e le’i to’atele nisi na aafia.
Ua faailoa manino e Trump o le a toe faamalosi le lagolago mo Ukraine, ona e foliga mai o le alii lea o Putin e foliga mai e lelei i taimi uma ae leai lava ma se uiga.
Puna o Faamatalaga: https://edition.cnn.com/2025/07/09/europe/russia-drone-attack-ukraine-trump-putin-intl-hnk
