A itiiti mai pe to’a 9 tagata ua fasiotia ma isi o loo manunu’a i osofa’iga a Lusia e faaaogā ai missiles ma drones i le faaitu o Kyiv i le amataga o le vaiaso nei ma ua faamaonia mai e se tasi o minisita o le faigamalo.
Fai mai le faamatalaga a le minisita lea i luga o le social media o nofoaga e aumau ai tagata, residential areas, falema’i ma nofoaga mo taaloga ua aafia uma i lea osofa’iga ma a itiiti mai pe to’aono na fasiotia ina ua osofa’ia se tasi o fale tele i le laumua o Kyiv ma le silia i le 30 na manunu’a ai.
Ua faamautū mai foi e le Ea Fosi a Ukraine pe 352 drones a Lusia ma missiles e 16 na aga’i sa’o atu i le aai o Kyiv.
Ua lipotia e le BBC le faimalaga ane o le Peresetene o Ukraine, Volodymyr Zelensky i Lonetona e faia talanoaga ma le Palemia o le UK, Kier Starmer auā se fesoasoani a le militeli a UK mo Ukraine.
Ua faateteleina pea osofa’iga a Lusia i aai o Ukraine ma ua lipotia foi le faigatā o le tali ane o vaegā’au a Ukraine.
E lē o toe iai nisi talanoaga faavaomalo o ta’ua e faatatau i le taua lea aemaise foi i le va o Lusia ma Ukraine lava latou ae o loo feta’ua’ina o le a auai le ta’ita’i o Ukraine i se taumafataga e faia i le fonotaga a le NATO ua faatulaga e amata i le vaiaso nei.
Puna o Faamatalaga: https://www.bbc.com/news/articles/c0k7vll16l3o
