O Lusia le ulua’i atunuu ua latou amana’ia le faigāmalo a le Taliban i totonu o Afghanistan talu ona o latou umia le paoa i le 2021 ma ua faailoa foi e Lusia ua latou taliaina le amepasa mai lea kulupu Isalama.

Fai mai le matāgaluega o le va i fafo a Lusia latou te talitonu o le gaioiga ua faia ua amana’ia aloa’ia ai le faigāmalo Isalama lea i Afghanistan o le a tāua tele mo le faalauteleina o le galulue faatasi i le va o atunuu.

Ua talia lelei e matāgaluega a le va i fafo a le Taliban le faai’uga ua faia e Lusia.

O le mae’a o le aga’i ese mai o Amerika mai Afghanistan i le 2021 na o Lusia le isi atunuu sa tumau pea le faatumauina o lona auai i Afghanistan ma o latou aveesea ai i le masina o Aperila o le tausaga nei le faaupuina o le Taliban o se kulupu faatupu faalavelave.

E ui la sa faafesuia’i amepasa o Saina, le United Arab Emirates ma le Taliban atoa ai ma se ofisa o le Taliban i Qatar peita’i e le’i aloa’ia lava le silasila iai a ia atunuu o le Taliban o le faigāmalo lea a Afghanistan.

Puna o Faamatalaga: https://edition.cnn.com/2025/07/03/europe/russia-recognizes-taliban-afghanistan-intl-latam